Lao Digital Week x Champa Maker Challenge 2025!

ຫວນຄືນມາພົບກັນອີກຄັ້ງໃນງານແຂ່ງຂັນຫຸ່ນຍົນປະຈຳປີທີ່ທຸກທ່ານລໍຄອຍ, ໂດຍໃນຄັ້ງນີ້ ທາງກະຊວງເຕັກໂນໂລຊີ ແລະ ການສື່ສານ ຮ່ວມມືກັບພວກເຮົາ ຈຳປາເມກເກີ້ ພ້ອມດ້ວຍ K-LAB Vientiane ຈັດການແຂ່ງຂັນສ້າງຫຸ່ນຍົນລະດັບຊາດໃນຫົວຂໍ້ "ການປ້ອງກັນອຸທົກກະໄພ" ທີ່ຈະມາທ້າທາຍຂີດຈຳກັດຄວາມສາມາດຂອງນ້ອງໆນັກຮຽນໃນລະດັບມັດທະຍົມສຶກສາຕອນປາຍ ແລະ ເພື່ອເສີມສ້າງເວທີສະແດງຄວາມສາມາດໃຫ້ເເກ່ໄວໜຸ່ມລາວ ຫຼື ຜູ້ທີ່ມີຄວາມສົນໃຈທາງດ້ານ STEM (Science -ວິທະຍາສາດ, Technology -ເຕັກໂນໂລຊີ, Engineering -ວິສະວະກໍາ, Mathematics -ຄະນິດສາດ) ແລະ ICT ທຸກຄົນ.

ເຮົາຂໍເຊີນຊວນນ້ອງໆທຸກຄົນທີ່ມີຄວາມມັກຮັກໃນສາຍ STEM ໂດຍມຸ້ງເນັ້ນໄປທີ່ການພັດທະນາຂະບວນການຄິດເຊີງຕັນກະ ຄຽງຄູ່ກັບຄວາມຄິດສ້າງສັນເພື່ອການຄິດຄົ້ນນະວັດຕະກຳໃໝ່ໆມາເຂົ້າຮ່ວມການແຂ່ງຂັນນີ້ ໂດຍບໍ່ຕ້ອງຫ່ວງວ່າໂຕເອງມີພື້ນຖານຫຼືບໍ່ ເພາະນ້ອງໆຈະໄດ້ຮັບການຝຶກອົບຮົມການສ້າງຫຸ່ນຂັ້ນພື້ນຖານ ຜ່ານບົດຮຽນ ແລະ Workshop ໂຕຈິງ ກ່ອນລົງສະໜາມແຂ່ງກັບໝູ່ເພື່ອນອີກຫຼາຍຊີວິດ ເພື່ອຈະໄປແຂ່ງຂັນກັນອີກຄັ້ງໃນງານ ສັບປະດາດິຈິຕອນລາວ Lao Digital Week ທີ່ຈະຈັດຂຶ້ນຢູ່ທີ່ ຫໍປະຊຸມເເຫ່ງຊາດ ໃນໄວໆນີ້ ຊີງທຶນການສຶກສາຫຼາຍກວ່າ 10 ລ້ານ ກີບ!

ໄລຍະຂອງໂຄງການ:

• - ປິດຮັບສະໝັກຜູ້ເຂົ້າແຂ່ງຂັນ: 28/02/2025
• - ໄລຍະເວລາຂອງໂຄງການ: ປະຈຸບັນ ~05/04/2025
• - ລິ້ງສະໝັກ: https://shorturl.at/6r2FC

ຄຸນສົມບັດຂອງທີມເຂົ້າແຂ່ງຂັນ:

• - ສາມາດຮັບຜິດຊອບຄ່າໃຊ້ຈ່າຍໃນການປະກອບຫຸ່ນເອງໄດ້
• - ນັກຮຽນມໍປາຍ (ມໍ5 ~ມໍ7)
• - ຫຼື ເກີດລະຫວ່າງປີ 2006 ~2011 (14 ປີ ~19 ປີ)
• - ແຂ່ງເປັນທີມ, ທີມລະ 3 ຄົນ
• - ບໍ່ຈຳກັດໂຮງຮຽນຕໍ່ທີມ (ຄົນໃນທີມສາມາດຢູ່ຕ່າງໂຮງຮຽນກັນໄດ້)
• - ໃນທີມຕ້ອງມີຄອມພິວເຕີຢ່າງໜ້ອຍ 1 ໜ່ວຍ
• - ສາມາດເຂົ້າຮ່ວມການຝຶກອົບຮົມໄດ້ຈົນຈົບໂຄງການ (ລາຍລະອຽດ: https://m.facebook.com/story.php?story_fbid=1045219207635691&id=100064428652463)

_____________________________

ຕິດຕໍ່ສອບຖາມເພີ່ມຕື່ມໄດ້ທີ່
Facebook Page ຫຼື ເບີ: +856 20 57 531 035 (ປຸ້ຍ)