ກຽມພົບກັບງານ ສັບປະດາດິຈິຕອນລາວ 2024 (Lao Digital Week) ທີ່ຈະມາເຖິງໃນເດືອນມັງກອນ 2024 ນີ້ !

17/11/2023

ກະຊວງເຕັກໂນໂລຊີ ແລະ ການສື່ສານ ໄດ້ຈັດງານຖະແຫຼງຂ່າວກ່ຽວກັບການຈັດງານ ສັບປະດາດິຈິຕອນລາວ ປະຈໍາປີ 2024 ໃນຕອນບ່າຍຂອງວັນສຸກ ທີ 17 ພະຈິກ 2023 ທີ່ ກະຊວງເຕັກໂນໂລຊິ ແລະ ການສື່ສານ, ໂດຍການເປັນປະທານຂອງທ່ານ ບັນດິດ ສຈ. ບໍ່ວຽງຄໍາ ວົງດາລາ, ລັດຖະມົນຕີກະຊວງ ເຕັກໂນໂລຊີ ແລະ ການສື່ສານ, ຊຶ່ງມີຕາງຫນ້າຈາກບັນດາກົມພາຍໃນກະຊວງ, ຕາງໜ້າຈາກກະຊວງອ້ອມຂ້າງ ແລະ ແຂກທີ່ຖືກເຊີນເຂົ້າຮ່ວມຢ່າງພ້ອມພຽງ.